"Мисс Монголиа 2026" наадмын "ТЭРГҮҮН МИСС"-ээр Ш.Хүслэн тодорлоо

“Мисс Монголиа” холбоо, “Эвэнтмастерс энтертаймэнт”-аас зохион байгуулсан 22 дахь удаагийн "Мисс Монголиа 2026" Үндэсний ялагч, титэм гардуулах ёслол “Хүн” театрт амжилттай болж өндөрлөө.

Монгол охид, бүсгүйчүүдийн гоо үзэсгэлэн, гоо зүй, авьяас чадвар, оюун билгийг Олон улсын тавцанд таниулсаар ирсэн “Мисс Монголиа-2026” шалгаруулалт болон түүнтэй хамтатган зохион байгуулсан “International awards-2026” наадамд дэлхийн 11 орны мисс, модель, уран бүтээлчид хүрэлцэн ирснээрээ онцлог болж, Олон улсын үнэлэмжээ тэллээ.

Түүнчлэн “Miss Global 2025” Олон улсын уралдааны ялагч Nguyen Dinh Nhu Van хүндэт зочноор оролцож, “Мисс Монголиа-2026” тэмцээний тэргүүн мисст титэм гардуулсан нь энэ үдшийн хамгийн онцлох мөчүүдийн нэг байлаа.

Шүүгчдийн бүрэлдэхүүн дүнг зарлахад, энэ жилийн Тэргүүн мисс, “Miss International Mongolia 2026” шалгаруулалтын Үндэсний ялагчаар Ширэндэв овогтой Хүслэн тодорч, Монгол Улсаа дэлхийн тайзнаа төлөөлөх эрхийн эзэн болсон юм.

Жил бүр уламжлал болон зохион байгуулагддаг “Мисс Монголиа” үндэсний уралдаан зөвхөн гоо үзэсгэлэнгээр өрсөлддөг тайз бус, эмэгтэйчүүдийн боловсрол, төлөвшил, ур чадвар, манлайлал, нийгмийн оролцоог үнэлдгээрээ үнэ цэнтэй. Энэ жилийн оролцогчид үндэсний хувцасны үзүүлбэр, чөлөөт үзүүлбэр, авьяас, загварын алхаа, асуулт, хариултын шат зэрэг олон сорилд өрсөлдсөнийг онцлох нь зүйтэй.

2026 оны Тэргүүн миссээр шалгарсан Ш.Хүслэн ирэх арваннэгдүгээр сард Япон улсын нийслэл Токио хотноо зохион байгуулагдах 64 дэх удаагийн “Miss International” шалгаруулалтад Монгол Улсаа төлөөлөн оролцоно. Дэлхийн хамгийн нэр хүндтэй миссийн тэмцээнүүдийн нэгт тооцогддог тус наадамд 70 гаруй орны охид, бүсгүйчүүд өрсөлдөх бөгөөд гоо үзэсгэлэн, оюун ухаан, хүмүүнлэгийн үзэл санаа, нийгмийн оролцоог өндөр шалгуур болгон үнэлдэг онцлогтой.

“МИСС МОНГОЛИА-2026” НААДМЫН ШИЛДГҮҮД

Үндэсний ялагчид:
 

• Ш.Хүслэн - Miss Mongolia 2026, Miss International Mongolia 2026 Winner
• Т.Уранзүү - Mrs Mongolia 2026, Mrs Heritage International Mongolia 2026 Winner
• Э.Хүслэн - Miss Mongolia 2026 & Grande Asia Model Mongolia 2026, Model Awards Winner
• Э.Мишээл - Miss Cultural Ambassador & Miss Heritage International Mongolia 2026 Winner 
• Б.Мишээл - Miss Tourism Ambassador & Miss Asia Awards Mongolia 2026 
• Б.Аззаяа - 1st Runner up "Miss Global Mongolia 2026" Winner 
• М.Мөнхзаяа - 2nd Runner up "Miss Asia Pacific International Mongolia 2026"
• А.Анун - 3rd Runner up "Queen of the Pacific Asia Mongolia 2026" 
• Э.Эрдэмсайхан - Special prize "Queen of the Pacific Asia Mongolia 2026" 

Шилдэг номинациуд:
 

• Miss Photogenic: А. Сэлэнгэмөрөн
• Mrs Photogenic: Д. Алтантуул
• Miss Bikini: Ш.Мөнгөнсаран
• Miss Multimedia: Ж.Содгэрэл
• Miss Intellagent: Ц. Халиун
• Miss Friendship: З.Ариунзаяа