Б.Баасанхүү Будапештийн Их дуулгаас хүрэл медаль хүртлээ

Унгар Улсын Будапешт хотноо энэ сарын 11-13-ны өдрүүдэд зохион байгуулагдаж буй жүдо бөхийн Олимпын эрхийн оноо олгох “Их дуулга” тэмцээнд Монголын шигшээ багийн есөн тамирчин хүч үзэж байна.

Монголын баг тамирчдыг Монгол Улсын Хөдөлмөрийн баатар Х.Цагаанбаатар дасгалжуулагч удирдан оролцож байгаа юм.

Тэмцээний эхний өдөр эмэгтэйчүүдийн -48, -52, -57 кг, эрэгтэйчүүдийн -60, -66 кг-ын жингийн барилдаанууд явагдлаа.

Эмэгтэйчүүдийн -48 кг-ын жинд Монгол Улсын гавьяат тамирчин, дэлхийн аварга, Олимпын мөнгөн медальт Бавуудоржийн Баасанхүү амжилттай барилдаж, хүрэл медаль хүртлээ.