“Тод магнай-2012” саналаа авч эхэллээ

Үндэсний их өв соёлоо түгээн дэлгэрүүлэх зорилготой “Тод магнай-2012” ёслолын ажиллагааны нэр дэвшигчид тодорч, санал асуулгаа авч эхэллээ. Өв соёл, үүх түүхээ дээдлэгч эрхэм та бүхэн www.todmagnai.mn сайтад хандан шилдэг уяач буюу “Төрийн их уяач-2012”, шилдэг хүлэг буюу “Төрийн их хүлэг-2012”, шилдэг унаач хүүхэд буюу “Төрийн их унаач-2012, морины шилдэг зүтгэлтэн буюу “Морины зүтгэлтэн-2012”, шилдэг уран бүтээл буюу “Их өв-2012” гэсэн таван номинаци тус бүрт өөрийн саналаа нэмэрлэх боломжтой. Эрхэм таны өгсөн санал мориор дамжсан үндэсний их соёлыг түгээгсдэд урам хайрлаж, монголын хурдан морины хөгжилд цучил нэмэх юм.