“Евро 2012”-ыг дамжуулах онцгой эрхийг TV9, ETV телевиз авлаа

Энэ оны дэлхийн спортын онцлох үйл явдлын нэг бол Польш, Украин улсад зургадугаар сарын 8-наас долдугаар сарын 1-нд болох хөлбөмбөгийн Европын аварга шалгаруулах тэмцээн билээ. Европын шилдэг 16, тэр дундаа 2010 оны Дэлхийн аварга шалгаруулах тэмцээн алт, мөнгө, хүрэл медальт Испани, Нидерланд, Германы баг өрсөлдөх “Евро-2012” эхлэхэд хоёр сар хүрэхгүй хугацаа үлджээ. Хөлбөмбөгийн ЕАШТ  бол чанар чансаа, нэр хүндээрээ ДАШТ-ээс дутахгүй. Харин  “Евро-2012”-ыг шууд дамжуулан Монголчуудад хүргэх онцгой эрхийг “ТВ-9”, “ETV” телевиз авсан байна. UEFA дээрх телевизүүдийн хүсэлтийг 2011 оны сүүлчээр хүлээн авч, албан ёсны эрх олгосноо өнгөрсөн гуравдугаар сард зарласан аж. Тэр цагаас хойш тус хоёр телевиз  бэлтгэл ажилдаа хэдийнэ оржээ.

А.Чимгээ