Нисэх онгоцны тэмцээн болж байна

Өнөөдөр Яармагийн дэнжид “Нисэх загварын уран нислэгийн тэмцээн” болж байна. Уг тэмцээн Монгол Улсад нисэх хүчин үүсч хөгжсөний 87 жилийн ой, Монгол Улсын баатар, ИНЕГ-ын анхны дарга, хурандаа генерал Б.Цог агсны мэндэлсний 100 жилийн ойд зориулан зохион байгуулагдаж байгаа юм.  Тэмцээнд  ” Гигант”, ” Шонхор” , “Нисэх загварын мастер клуб ” , “Титан” зэрэг клубууд оролцож байгаа аж. Ер нь нисэх загварын тэмцээн нь нас, хүйс, үндэс угсаа, мэргэжил боловсрол үл харгалзан зохиогддог техник, технологийн загвар зохион бүтээх спортын нэгэн сонирхолтой төрөл юм байна. Харин манай оронд нисэх загварын спортыг албан ёсоор 1965 оноос үүсч хөгжсөн гэж үздэг.

Т.Ялгуун