Өнөөдөр МУ-ын хөдөлмөрийн баатар, МУГТ З.Ойдовын мэндэлсэн өдөр
Монгол улсын хөдөлмөрийн баатар, гавьяат тамирчин Зэвэгийн Ойдов 1949 оны энэ өдөр Өвөрхангай аймгийн Хархорин суманд мэндэлжээ. Өдгөө гавьяаныхаа амралтыг авсан тэрээр 1965 оноос хойш чөлөөт бөхөөр хичээллэж 20-р зууны манлай тамирчин өргөмжлөл хүртсэн байдаг. Түүний барилдааны арга барил, хичээл зүтгэлийг төр засаг үнэлж олон одон медалиар шагнажээ. Тухайлбал 1974, 1975 онд дэлхийн хошой аварга цол, 1976 оны Монреалийн олимпоос мөнгөн медаль, 1977 оны ДАШТ-ээс хүрэл медаль, 1973 онд Азийн аварга цол тус тус хүртэж эх орныхоо нэрийг цуурайтуулсан ахмад тамирчдын нэг юм. Мөн 1975 онд Ази, Африкийн орны бөхчүүдээс шилдэг бөхөд олгодог цомоор шагнагджээ. Мөн алдарт тамирчны ид барилдаж байх үедээ өрсөлдөгчөө өчиггүй буулгаж авдаг байсан дархан мэхийг FILA хүлээн зөвшөөрснөөр дэлхийд чөлөөт бөхийн “Ойдов” мэх албан ёсоор бий болсон аж.
Х.Заяа
Холбоотой мэдээ
Сэтгэгдэл ( 0 )