Г.Идэрхүү хүрэл медаль хүртэв

Казахстан улсын Алматы хотын Абайн өргөн чөлөөн дэх “Достык” спортын цогцолборт 4 өдөр үргэлжилсэн Ази тивийн залуучуудын чөлөөт бөхийн аварга шалгаруулах тэмцээн дууслаа

Тэмцээний сүүлчийн өдөр манай 5 бөх дэвжээнд гарснаас 66 кг-ийн жинд зодоглосон Г.Идэрхүү хүрэл медальд хүрэв.

Энэ тэмцээнд манай 10 бөх зодоглосноос эмэгтэйчүүдийн 51 кг-ийн жинд барилдсан Э.Даваачимэг мөнгө, 67 кг-ийн жинд барилдсан О.Оюунтуяа, эрэгтэйчүүдийн 66 кг-ийн жинд барилдсан Г.Идэрхүү хүрэл хүртсэн байна.

Жич: Өнгөрсөн онд Индонези улсын Жакарт хотод болсон Ази тивийн залуучуудын чөлөөт бөхийн аварга шалгаруулах тэмцээнд манай бөхчүүд бүтэн багаараа оролцож эмэгтэй бөхчүүд 4 мөнгө, 2 хүрэл, эрэгтэй бөхчүүд 2 хүрэл, нийт 8 медаль авч байжээ.

Эрэгтэй

50 кг           1. Владимир Кудрин /Казахстан, 2011 оны өсвөрийн дэлхийн

                            аварга/

2. Хамид Халилевати /Иран/

3. Деви Сингх /Энэтхэг/

3. Чанг Жун Пак /БНСУ/

9. Батчулууны Майдар /”Гацуурт-Олимп” сургууль/

Энэ жинд 10 бөх барилдсанаас Б.Майдар нэгдүгээр тойрогт энэтхэгийн бөх Деви Сингхтэй барилдаж 2:0, 0:1, 0:1 онооны харьцаагаар ялагджээ.

55 кг           1. Азамат Шагапулы /Казахстан/

2. Ю.Такаши /Япон/

3. Фарзад Амузадхалили /Иран/

3. Алибек Ташиматов /Киргиз/

                        7. Бат-Эрдэнийн Мөнхбат /”Тэмүүжин” клуб/

Энэ жинд 14 бөх барилдсанаас Б.Мөнхбат нэгдүгээр тойрогт хятадын бөх Шао Хухег 0:1, 0:6 онооны харьцаагаар ялж хоёрдугаар тойрогт казахстаны бөх Азамат Шагапулыд 1:0, 0:2, 0:5 оноогоор хожигдож дагах барилдаанд киргизийн бөх Алибек Ташиматовт 1:2, 0:1 оноогоор ялагджээ.

60 кг           1. Араш Данжесараки /Иран/

2. Бажранг /Энэтхэг/

3. Мейиржан Аширов /Казахстан/

3. Хурбек Зеркинбаяев /Киргиз/

                        8. Түмэнбилэгийн Түвшинтулга /”Гацуурт-Олимп”

                            сургууль/

Энэ жинд 14 бөх барилдсанаас Т.Түвшинтулга нэгдүгээр тойрогт туркмений бөх Чару Халилуевийг 3:0, 1:1 онооны харьцаагаар дийлж хоёрдугаар тойрогт казахстаны бөх Мейиржан Ашировт 1:3, 0:1, 0:4 онооны харьцаагаар өвдөг шорооджээ.

66 кг           1. Жавали Алиасгар /Иран/

2. Болат Сакаевт /Казахстан/

3. Гантулгын Идэрхүү /”Гацуурт-Олимп” сургууль/

3. Раха Правеен /Энэтхэг/

Энэ жинд 13 бөх барилдсанаас Г.Идэрхүү нэгдүгээр тойрогт японы бөх Мацушима Коумиг 1:0, 3:1 онооны харьцаагаар өвдөг шороодуулж хоёрдугаар тойрогт хятадын бөх Мулеты Михеятыг 6:0, 0:1, 3:0 онооны харьцаагаар ялж хэсгээсээ шалгарах барилдаанд казахстаны бөх Болат Сакаевт 3:4, 2:0, 4:3 онооны харьцаагаар дийлдэж хүрэл медалийн төлөө афганистын бөх Бавади Ахмадийг 1:0, 0:2, 6:1 онооны харьцаагаар ялжээ.    

74 кг           1. Абубакир Тургаев /Казахстан/

2. Али Шафизад /Иран/

3. Деепак /Энэтхэг/

3. Абдол Кошифар Кадари /Афганистан/

Энэ жинд 14 бөх барилджээ.

84 кг           1. Ебрахимизивлае Махаммаджава /Иран/

2. Сомвеер /Энэтхэг/

3. Ералы Абдрашев /Казахстан/

3. Хуек Бум Гвон /БНСУ/

                   5. Батдоржийн Намхай /”Аварга” БТДС/

Энэ жинд 12 барилдсанаас Б.Намхай нэгдүгээр тойрогт афганистаны бөх Нажибулаах Шерзадыг 1:3, 6:0, 5:0 онооны харьцаагаар хожиж хоёрдугаар тойрогт хятадын Хиу Юаныг 1:0, 0:6, 5:4 онооны харьцаагаар ялж хэсгээсээ шалгарах барилдаанд ираны бөх Ебрахимизивлае Махаммаджавад 3:3, 0:3 онооны харьцаагаар ялагдаж хүрэл медалийн төлөө барилдаанд казахстаны бөх Ералы Абдрашевт 0:1, 0:4 онооны харьцаагаар дийлджээ.

96 кг           1. Инкар Ермухамед /Казахстан/

2. Зандех Эхсан /Иран/

3. Хо Мин Ру /БНСУ/

3. Югхивир /Энэтхэг/

                        7. Хүрэлбаатарын Оргилболд /ҮБТДС/

Энэ жинд 9 бөх барилдсанаас Х.Оргилболд нэгдүгээр тойрогт хийлж хоёрдугаар тойрогт японы бөх Яшидо Шод 0:3, 1:2 онооны харьцаагаар дийлджээ.

120 кг                     1. Гоми Абили Абдоллах /Иран/

2. Сатендер /Энэтхэг/

3. Ким Жи Ён /БНСУ/

3. Олег Болтин /Казахстан/

                                       Энэ жинд 8 бөх барилджээ.

Эмэгтэй

44 кг           1. Инду Чадхару /Энэтхэг/

2. Вен Линг Ло /Тайвань/

3. Ючи Минори /Япон/

48 кг           1. Юка Яго /Япон/

2. Бу Тинг Ханг /Вьетнам/

3. Рибу Чаудхару /Энэтхэг/

3. Чен Найхианг /БНХАУ/

                       Энэ жинд 7 бөх барилджээ.  

51 кг           1. Ю.Мияхара /Япон/

2. Эрхэмбаярын Даваачимэг /”Хилчин” спорт хороо/

3. Аймангуль Толеухан /Казахстан/

3. Шин Хуе Лее /БНСУ/

Энэ жинд 8 бөх барилдсанаас Эрхэмбаярын Даваачимэг нэгдүгээр тойрогт вьетнамын бөх Нгуен Ти хангийг цэвэр ялж хэсгээсээ гарах барилдаанд Өмнөд Солонгосын бөх Шин Хуе Леег 3:1, 1:0 онооны харьцаагаар хожиж алтан медалийн төлөө японы бөх Мияхара Юутай таарч 0:1, 0:6 онооны харьцаагаар ялагдаж хошой мөнгөн медальт бөх болов.

55 кг           1. Чихо Хамада /Япон/

2. Дуонг Ти Лан /Вьетнам/

3. Риту Риту /Энэтхэг/

3. Кунг Ён Ким /БНСУ/

                        5. Алтанцэцэгийн Батцэцэг /”Хасу-Мегаватт” клуб/

Энэ жинд 10 бөх барилдсанаас А.Батцэцэг нэгдүгээр тойрогт узбекийн бөх Шокиста Тошбулатоваг 6:0, 3:0 онооны харьцаагаар, хоёрдугаар тойрогт хятадын бөх Нинг Тоншег 1:0, 3:0 онооны харьцаагаар ялж хэсгээсээ шалгарах барилдаанд вьетнамын бөх Дуонг Ти Ланд 1:2, 1:4 онооны харьцаагаар хожигдож хүрэл медалийн төлөө барилдаанд энэтхэгийн бөх Риту Ритуд 1:1, 1:4 харьцаагаар дийлджээ.   

59 кг           1. Ю.Сакано /Япон, өсвөрийн дэлхийн аварга/

2. Поожа Дандах /Энэтхэг/

3. Аяулым Касымова /Казахстан/

3. Мейгин Пан /БНХАУ/

                        7. Эрдэнэбаатарын Сумьяасүрэн /Төв аймаг/

Энэ жинд 7 бөх барилдсанаас Э.Сумьяасүрэн нэгдүгээр тойрогт Өмнөд Солонгосын бөх Хее Жунг Сеотой таарч 0:3, 1:2 онооны харьцаагаар дийлджээ.

63 кг           1. Малик Сакши /Энэтхэг/

2. Екатерина Ларионова /Казахстан, өсвөрийн дэлхийн аварга/

3. Жи Менгуанг /БНХАУ/

3. Вен Линг Чен /Тайван/

                        9. Цэенпилийн Шинэхүүхэн /Төв аймаг/

Энэ жинд 10 бөх барилдсанаас Ц.Шинэхүүхэн нэгдүгээр тойрогт вьетнамын бөх Пам Ти Лоанд 0:1, 0:3 онооны харьцаагаар ялагджээ.

67 кг           1. Ли Жингнинг /БНХАУ/

2. Чихаро Хашимото /Япон/

3. Отгонбатын Оюунтуяа /”Аварга” БТДС/

3. Сеема /Энэтхэг/

Энэ жинд 7 бөх барилдсанаас О.Оюунтуяа нэгдүгээр тойрогт Өмнөд Солонгосын бөх Хуен Жин Шинтэй таарч түүнийг 4:1 онооны харьцаагаар ялж хэсгээсээ гарах барилдаанд хятадын бөх Ли Жингнинг гэдэг бөхтэй барилдаж 1:5, 0:4 онооны харьцаагаар дийлдэж хүрэл медалийн төлөө барилдаанд казахстаны бөх Гулмарал Еркебаеваг 4:4, 6:2 онооны харьцаагаар ялжээ.

72 кг           1. Эльмира Сыздыкова /Казахстан/

2. Тамае Ёши /Япон/

3. Хиран /Энэтхэг/

МЧБХ, Д.Өлгийсайхан

Эх сурвалж:Mass.mn