Их насны хурдан морьд гарааны зурхайгаас эргэлээ, хоржийлоо

Их Монгол Улс байгуулагдсаны 806 жилийн ой, Ардын хувьсгалын 91 жилийн ойн баяр наадмын Их насны морьд гарааны зурхай дээр ирээд байна. Хэний хүүгийн уясан хурдан ажнай тод магнай торгон жолоо өргүүлэхийг харахад цөөхөн мөч үлдлээ. Манай сайтын шуурхай мэдээлийн албаны сэтгүүлчид Их насны морины уралдааны дүнг удахгүй мэдээлэх болно. Их насны уралдаанд 405 хурдан ажнай тоосоо өргүүлж байна. Их насны морьдыг 25 км-ээс уралдуулж байгаа юм. Ийнхүү гарааны зурхайгаас их насны морьд унаач хүүхдийн гийнгоо хадаах дуун доор эргэлээ. Монгол наадмын омогшил, Монгол хүний бахархал хийморийг даллан морьд эргэлээ. 

Д.Билгүүн