Сэтгүүлчдэд ажиллах боломж тун хомс байна

 Даяар Монголчуудын цахим элч Zindaa.mn  сайт Үндэсний их баяр наадмын мэдээ мэдээллийг шуурхай дамжуулж байгаа билээ. Цэнгэлдэх хүрээлэнд ажиллаж байгаа манай  сурвалжлах хэсгээс нэгэн мэдээлэл ирүүллээ. Тодруулбал наадам зохион байгуулах комиссын танил хардаг байдлаас сэтгүүлчдэд ажиллах боломж тун хомс болоод байгаа гэнэ. Өөрөөр хэлбэл наадам зохион байгуулах комисс сэтгүүлч бус, настай, бөхийн хорхойтой танилдаа сурвалжлах мандат өгсөн байна. Тэдгээр “туулайнууд” нь зураг авч байгаа зурагчинг "Бөх үзүүлэхгүй хааж зогслоо, сэтгүүлчдийг холдооч, шаагилдлаа" хэмээн загнаад зогсохгүй сүрдүүлэх тохиолдол гарч байна. Цөөн хүн  багтах сурвалжлагчдын хэсэгт сэтгүүлчдээс олон “туулай” байгаа бөгөөд  тэдгээр иргэд сэтгүүлчдийг ажлаа хийхэд төвөг удсаар байгаа гэнэ.

Сэтгүүлчдийн ажлын байранд “туулайчилж” ирсэн тэдгээр иргэдийг дараа жилийн наадам  зохион байгуулах комисс оруулахгүй байна гэдэгт найдаж байна.

А.Баярмаа

Д.Төгс