П.Сэрдамба өнөөдөр тулаантай

2012 оны Лондонгийн зуны олимп үргэлжилсээр байна. Өнөөдөр тоглох Монгол улсынхаа тамирчдын хуваарь:

16:30 цагаас  ОУХМ  Ц.Мөнхзаяа жүдо бөхийн 63 кг-ын жинд зодоглоно. Тэрээр  эхний  шатны  урьдчилсан барилдаандаа ялалт  байгуулж чадвал  шигшээд  тунаж үлдэх боломжтой болно.

Мөн усан спортын төрөлд оролцож буй А.Тамир 17:00 цагаас эрэгтэйчүүдийн 100 метрийн  өврөөр  даллах сэлэлтээр уралдах аж. Тэрээр "М-Си-Эс" группын ажилтан юм.

Харин Олимпийн мөнгөн медальт, дэлхийн аварга, Монгол Улсын Хөдөлмөрийн баатар, Гавьяат тамирчин П.Сэрдамба 20:30 цагаас эрэгтэйчүүдийн 49 кг жинд, Дэлхийн аваргын хүрэл медальт, Монгол Улсын Гавьяат тамирчин У.Мөнх-Эрдэнэ 21:30 цагаас  эрэгтэйчүүдийн 64 кг жинд тус тус тулалдана.

Х.Даваа