Усанд сэлэлтээр эрэгтэйчүүдийн амжилт эвдсэн охин дахин алт авлаа

Өчигдөр хятадын 16 настай, усанд сэлэгч охин Шивень 200 метрийн холимог төрөлд түрүүлж алтан медалийнхаа тоог нэгээр нэмсэн байна.

Тэрээр 400 метрийн холимог сэлэлтэд энэ удаагийн усанд сэлэлтийн эрэгтэйчүүдийн алтан медалийг хүртсэн Райан Лохтегийн амжилтыг эвдэж, дэлхийн нийтийг гайхшруулсан юм. Түүнийг сэргээшийн шинжилгээнд хамруулсан бөгөөд юу ч илрээгүй байна.

Иймд Их Британийн олимпийн хорооны тэргүүн “Бид түүний авьяасыг үнэлэх ёстой” гэжээ.

Х.Заяа