О.Гүндэгмаа тогтоол буудлагадаа 39 тамирчнаас 32-т эрэмбэлэгдээд байна

Лондоны олимпийн эмэгтэйчүүдийн 25 метрийн спорт гар бууны тогтоол буудлага өндөрлөлөө. Нийт 39 тамирчин буудаж дууссаны дараа О.Гүндэгмаа 32-т бичигджээ.

Жагсаалтыг 30 сум буудсаны дараа БНСУ-ын тамирчин Ким Жангми 298 оноотой тэргүүлсэн бол удаад нь 295 оноотой Пруксакорн Таняпорн, 294 оноотой ХБНГУ-ын тамирчин Д.Мөнхбаяр нар бичигджээ.

Удахгүй 19.00 цагаас хурдан буудлага эхлэх юм. Ингээд тогтоол, хурдан буудлагын нийлбэр дүнгээр байр эзлүүлэн эхний найман тамирчин хагас шигшээд өрсөлдөнө.