ОЛИМП-2012: Английн хатан хааны ач охин олимпийн мөнгөн медаль хүртэв

Гүнж Аннагийн охин, 31 настай Зара Филлипс Лондонгийн Олимпийн мөнгөн медалийн эзэн боллоо. Тэмцээнийг ханхүү Уильям эхнэрийн хамт үзсэн байна.

Зара Филлипс нэг бус удаа тэмцээнд ялж байжээ. 2005 онд өөрийн Тойтаун Зара морьтойгоо Европын аварга шалгаруулах тэмцээнд оролцон алтан медаль, мөн Аахенд болсон дэлхийн аваргын тэмцээнээс мөнгөн медаль авсан аж.

Зара Филлипс бол Анна гүнжийн хоёр дахь хүүхэд бөгөөд ганц охин нь юм байна. Тэрээр анхны нөхөр ахмад Марк Филлипсийн хүүхэд ажээ. Зара Английн регбийн шигшээ багийн ахлагч Майк Тинделлтэй гэрлэсэн юм байна.

Морин спортоос гадна дизайны урлагийг ихэд сонирхдог бөгөөд олон тооны буяны үйл ажиллагаануудад идэвхтэй оролцдог ажээ.

Д.Мигаа