Өнөөдөр 16.30 цагт манай жүдочид татамид гарна

Олимпийн наадмын өнөөдөр болох эмэгтэйчүүдийн -78 кг-ын жинд ОУХМ П.Лхамдэгд зодоглоно. Тэрбээр монголын цагаар 16:30-д татамид гарах юм. Тиймээс түүний барилдааныг бид тэсэн ядан хүлээж сууна.

П.Лхамдэгд эхний тойрогтоо хийлсэн бол хоёр дахь тойрогтоо Английн Жемма Гиббонс, Португалийн Яхима Рамирезт хоёрын аль ялсантай нь барилдана. Тэгвэл түүнтэй нэг цаг минутад зэргэлдээх татамид нь өрөх манай улсын тамирчин бол “Бээжин-2008” наадмын аварга Н.Түвшинбаяр юм. Бөх сонирхогч бид дээрх тамирчидаа аль ч тэмцээнд оролцоход нь медаль хүртэнэ хэмээн хүлээдэг. Тэр жишгээр бас л найдлага тавьж байна.

Энэ хоёр бөхөөр манай улсын жүдочдын барилдаан өндөрлөнө. Гэхдээ баярын нулимстай өндөрлүүлнэ гэдэгт итгэж байна. Хоёр тамирчиндаа Амжилт!

У.Баяраа