Н.Түвшинбаяр эхний тойрогтоо цэвэр яллаа

Зуны олимпийн наадамд эх орноо төлөөлөн жүдогийн эрэгтэйчүүдийн -100 кг-ын жинд Бээжингийн олимпийн алтан медальт, МУГТ Н.Түвшинбаяр барилдаж байгаа билээ. Тэрээр эхний барилдаандаа Тайландын жудоч Теерават Хомклинтэй хийж, 55 секундэд цэвэр яллаа.

Н.Түвшинбаяр хоёрдугаар тойрогтоо Францын Тьерри Фабре, Египетийн Рамадан Дарвиш нарын ялсантай нь баридах учиртай. Түүний жинд нийтдээ 30 жудоч хүч үзэж байна.

-100 кг-ийн жингийн жүдочдыг эрэмбэлсэн жагсаалт, шилдэг-10

1. Максим Раков – Казакстан – 1470 оноо

2. Хенк Грол – Голланд – 1310 оноо

3. Такамаса Анаи – Япон – 1210 оноо

4. Сергей Самойлович – ОХУ – 1170 оноо

5. Найдангийн Түвшинбаяр – Монгол – 896 оноо

6. Рамзиддин Саидов – Узбекстан – 880 оноо

7. Тагир Хаибулаев – ОХУ – 860 оноо

8. Ариэл Зиви – Израйль – 844 оноо

9. Рамадан Дарвиш – Египет – 790 оноо

10. Лукас Крапалек – Чех – 780 оноо

Х.Заяа