Н.Түвшинбаяр дахин цэвэр ялж, шигшээ наймд шалгарлаа

Зуны олимпийн наадамд эх орноо төлөөлөн жүдогийн эрэгтэйчүүдийн -100 кг-ын жинд Бээжингийн олимпийн алтан медальт, МУГТ Н.Түвшинбаяр барилдаж байгаа билээ. Тэрээр эхний барилдаанаа Тайландын жудоч Теерават Хомклинтэй хийж, 55 секундэд цэвэр ялсан юм.

Дөнгөж сая тэрээр хоёрдугаар тойрогтоо Францын Тьерри Фабрег цэвэр ялж шилдэг наймд шалгаран үлдлээ. Одоо B хэсгийн аваргын төлөө Узбекстан болон Кубын жүдочдийн ялсантай барилдах юм.

Түүний жинд нийтдээ 30 жудоч хүч үзэж байна.

-100 кг-ийн жингийн жүдочдыг эрэмбэлсэн жагсаалт, шилдэг-10

1. Максим Раков – Казакстан – 1470 оноо

2. Хенк Грол – Голланд – 1310 оноо

3. Такамаса Анаи – Япон – 1210 оноо

4. Сергей Самойлович – ОХУ – 1170 оноо

5. Найдангийн Түвшинбаяр – Монгол – 896 оноо

6. Рамзиддин Саидов – Узбекстан – 880 оноо

7. Тагир Хаибулаев – ОХУ – 860 оноо

8. Ариэл Зиви – Израйль – 844 оноо

9. Рамадан Дарвиш – Египет – 790 оноо

10. Лукас Крапалек – Чех – 780 оноо

Х.Заяа