Н.Баяраа 40-рт эрэмбэлэгдлээ

Лондоны олимпийн онч сорих буудлагын урт бууны 50 метрийн хэвтээ байрлалаас буудах төрөлд өрсөлдсөн ОУХМ Н.Баяраа 588 оноо авч 40 дүгээр байрт бичигдлээ. Ингэснээр манай тамирчин Н.Баяраа шигшээ тоглолтод шалгарч чадсангүй.
Энэхүү буудалтад Белорусын тамирчин Сергей Мартинов хамгийн дээд буюу 600, Бельгийн Лионел Сокс 599, Словений Ражмонд Дебевич 596 авснаар урьдчилсан буудлагын эхний гурван байрт шалгарчээ.

  Энэ сарын 6-нд Н.Баяраа хэвтээ, суугаа, босоо байрлалаас буудах урт бууны 50 метрийн төрөлд өрсөлдөнө. Гурван байрлалаас буудах энэхүү тэмцээний нийлбэр дүн бүх байрлалаа буудсаны дараа гарах юм. Үүнээс эхний найман тамирчин медалийн төлөө буудна.