ОЛИМП-2012: Тэмцээний ялагч руу лонх шиджээ

Британийн цагдаагийнхан Лондонгийн олимпийн 100 метрийн гүйлтийн финалын тэмцээнд оролцогч руу лонх шидсэн хөгжөөн дэмжигчийг баривчилжээ.

Энэхүү явдал барианд орохоос хэдхэн секундын өмнө тохиолдсон байна.

Гэрчүүдийн өгүүлснээр индэр дээр зогсож байсан нэгэн эр Ямайкийн тамирчин Усэйн Болт руу хараал урсгаж байснаа лонх чулуудсан гэжээ.

Сэргийлэх иртэл үзэгчид танхай этгээдийг саатуулж байсан аж. Тамирчин Болтын хувьд ямар нэгэн шуугиан сонссоноос бус яг юу болоод өнгөрснийг сайн мэдээгүй гэжээ.

Усэйн Болт 100 метрийн гүйлтэд 9,63 секундээр олимпийн рекорд тогтоон аварга болсон аж.

Д.Мигаа