Н.Төгсцогт хүрэл медалийн төлөө тоглоно

Лондонгийн зуны XXX олимпийн наадмын боксын төрөлд эрэгтэйчүүдийн 52 кг-ын жинд эх орноо төлөөлж буй дэлхийн аваргын мөнгөн медальт, Монгол Улсын Гавьяат тамирчин Н.Төгсцогт өнөө шөнө буюу 8-ны үүрийн 03.45 минутад хүрэл медалийн төлөө тулалдана. Түүний өрсөлдөгч нь Узбекстаны Ясурбек Латипов. Манай боксчин Ясурбек Латиповыг ялбал хүрэл медалийн болзол хангах юм.

Тэрээр эхний тойрогтоо Азербайжаны тамирчин Элвин Мамишзадатай учраа таарч, 18:11 (4-5, 7-3, 7-3) харьцаатай буулган авсан бол Бээжингийн олимпийн хүрэл медальт, 2007 оны дэлхийн аваргын хүрэл, Европын аваргын хошой хүрэл медальт, Италийн тамирчин Винчензо Пикардиг 17-16 (4-6, 6-4, 7-6 ) харьцаатай ялснаар шөвгийн наймд шалгарсан. Мөн шөвгийн 16-ийн тулаандаа Италийн боксчныг ялсан юм.

Х.Заяа