London 2012: Олимптой холбоотой ТОП 30 факт

1.  “Олимп” гэдэг үгийг анх 1591 Вильям Шекспир "Генрих VI" хэмээх жүжигтээ оруулж хэрэглэсэн байдаг.
2. МЭӨ VII–VIII зуунд зохиогдож байсан анхны Олимпийн тэмцээний тухай Гомерийн "Илиада"-д тэмдэглэгдэн үлджээ.
3. Тухайн үед эмэгтэйчүүд болон боолууд тэмцээнд оролцох эрхгүй байсан бөгөөд зөвхөн тамирчдаа хөгжөөн дэмждэг байв.
4. Олимпийн тэмцээний мэдээллийг хамгийн анх МЭӨ 776 онд олон нийтэд мэдээлж байжээ. Тэр нь шилдэг гүйгчдийг танилцуулсан мэдээлэл байж.
5. Грек маягийн биш Олимпын наадам анх 1612 онд Британийн Чиппин Кэмпден хэмээх хотод болсон байна. Нутгийн иргэд морин уралдаан, сэлэмний тулаан, шуудайтай гүйлт, модон бөмбөг зэргээр өрсөлджээ. 
6. 1894 онд олон улсын Олимпийн хороог үүсэн байгуулагдсан. Үүнийг Францын аристократ барон Пьер де Кубертен санаачилж уриаг нь “Хурдан, Өндөр, Хүчтэй” хэмээн тодорхойлсон байдаг.
7. Мөн энэ эрхэм таван цагиргийг ч санаачилсан байна. Америк, Европ, Ази, Африк болон Далай хэмээн...
8. Яг эдгээр билэгдлийг ашигласан анхны Олимп 1896 Афин хотод есөн төрлөөр зохиогджээ.
9. Анхны эмэгтэй тамирчин 1900 онд Парисын олимпод оролцжээ.
10. Тэр үед тамирчдыг медалиар биш уран зургаар шагнадаг байв.
11. Лондонд анх 1908 онд Олимп зохиогдсон бөгөөд “Цагаан хот” хэмээн нэрлэсэн байдаг.
12. Анхны спортын цэнгэлдэхийг эзэн хааны сангаас 60 мянган фунтээр босгож байв. Түүнд нь 70-90 мянган хүн багтахаар байсан гэдэг.
13. 1908  оны Олимпийн үеэр бороо их орсноор 109 тэмцээн хойшилж байсан.
14. Тэр Олимпод 23 орны 2023 тамирчин оролцжээ.
15. Мөн тэр Олимпоос эхлэн тамирчид усан спортын төрлөөр өрсөлдөх боломжтой болсон байна
16. 1936 оны Берлинийн Олимпийг анх удаа телевизээр дамжуулжээ.
17. 1920 онд Антверпен наадамд Олимпийн далбаа анх удаа мандсан.
18. 1928 оны Амстердамын Олимпод анхны бамбар аслаа.
19. 1944 онд Лондонд олимп болох байсан ч дайны улмаас цуцлагджээ.
20. Харин дөрвөн жилийн дараа дайны дараах анхны Олимп энэ хотод болсон.
21. Тэрхүү Олимпийн бамбар 2008 онд 2520 фунтаар зарагдсан.
22. 1948 оны олимп анх удаа фото-финиш, гарааны тамирчдын блок зэргийг ашиглажээ.
23. Дайны дараах Олимп тул 4100 тамирчдад байрлах газар дутмаг байсан тул сургууль, коллеж, сайн дурынхны гэр орноор байрлуулж байлаа.
24. Уэмблийн цэнгэлдэхийг 1948 оны Олимпод зориулан бүтээн босгосон.
25. Энэ жилийн наадамд уг цэнгэлдэхэд бадминтоны тэмцээн явагдахгүй байгаа.
26. Лондон нь Олимпийг гурван удаа хүлээн авч байгаа анхны хот болж байна.
27. Энэ удаагийн Олимпод анх удаа эмэгтэй боксын төрөл багтсан.
28. “Лондон 2012”-т спортын 300 уралдаан тэмцээнд 205 орны 10,500 тамирчин өрсөлдөж байна.
29. Лондонгийн филармон оркестр бүх орны төрийн сүлд дууллыг бичүүлэхэд нийт 50 цагийг зарцуулжээ.
30. Энэ удаагийн Олимпод анх удаа Хатан хаан оролцсон.

Р.Слава