Өнөөдөр Б.Наранбаатар, П.Өнөрбат нар барилдана

Өнөөдөр “Лондон-2012” зуны олимпийн чөлөөт бөхийн эрэгтэйчүүдийн 55 кг, 74 кг-ын жинд эх орноо төлөөлөн Дэлхийн аваргын мөнгө, хүрэл медальт, Гавьяат тамирчин Б.Наранбаатар, ОУХМ П.Өнөрбат нар  барилдана.
 
Эрэгтэйчүүдийн 55 болон 74 кг-ын жинд тус тус 19 бөх барилдах аж. Б.Наранбаатар эхний тойрогтоо Ираны бөх Хассан Сабзали Рахимитэй барилдахаар болжээ. Эхний тойрогтоо ялбал шөвгийн 16-д Энэтхэгийн Амит Кумартай барилдана.

Харин ОУХМ П.Өнөрбат эхний тойрогтоо Гүржийн бөх Давит Хуцишвилитэй барилдах болсон байна. Тэрээр эхний учраагаа ялбал Гвиней-Биссау болон Венесуэлийн бөхчүүдийн ялсантай нь барилдана. Хэсгийн барилдаан Монголын цагаар 20.00 цагт эхэлнэ.

Х.Заяа