Олон улсын марафоны үеэр 33 гүйгч эмнэлэгт хүргэгдэв

Омск хотод болсон олон улсын марафон гүйлтийн үеэр 33 гүйгч “түргэн тусламжаар” эмнэлэгт хүргэгджээ. Эдгээрээс 23 нь одоо хүртэл сэхээнээс гараагүй байгаа аж.

Уг явдлын гол шалтгаан нь +37 градусын халуунд марафонд гүйснээс наршиж муужирсан байна.

Марафонд нийт 14 мянган хүн оролцсон ба 6, 10, 42 километрийг +37 градусын халуунд туулсан ажээ. Энэ нь уг тэмцээн зохиогдож эхэлснээс хойшхи 23 жилийн түүхэнд тохиолдож байгаагүй хамгийн өндөр температур юм байна.

Энэ марафоны ялагчаар Белоруссийн гүйгч Ольга Мазуренок 2 цаг 44 минут 47 секундийн амжилт үзүүлж шалгарчээ.

Д.Мигаа