Шатарчид оюутны ДАШТ-д оролцоно

Оюутны дэлхийн аварга шалгаруулах шатрын XII тэмцээнд эх орноо төлөөлөн олон улсын мастер А.Энхтуул, дэд мастер Б.Билэгжаргал, С.Сарантунгалаг, Б.Ану нар оролцохоор болжээ. Харин шатарчдыг гавьяат дасгалжуулагч П.Жигжидсүрэн удирдах юм. Манай оюутнууд уг дэлхийн аварга шалгаруулах тэмцээнээс хоёр алт, нэг мөнгө, дөрвөн хүрэл медаль хүртэж байв.

Тэмцээн энэ сарын 19-нд Португалын Гүэмараес хотноо эхлэх бөгөөд 20 орны 100 гаруй шатарчин оролцохоор албан ёсоор мэдүүлгээ өгчээ.

Тэд маргааш Португалын Гүэмараес хотын зүг хүлгийн жолоо зална. 

Х.Заяа