Энэ намрын анхны барилдаан ирэх сарын 2-нд болно

Монгол улсад барилгын салбар үүсч хөгжсөний 85, Монголын Барилгачдын Холбоо байгуулагдсаны 20 жилийн ойн баярт зориулсан улс, аймгийн алдар цолтой хүчит 208 бөхийн барилдаан ирэх сарын 02-нд хоёр дахь удаагаа Монгол бөхийн өргөөнд зохион байгуулагдах гэж бөайна.  Тус байгууллагаас их бүтээн байгуулалтын үйлст хүч хөдөлмөрөө зориулж ирсэн ахмад барилгачиддаа болон тэдний гэр бүлийнхэн, залгамж үеийнхэнд зориулах гэж байгаа нь энэ юм. Барилдааны үеэр азтай үзэгчдийг шалгаруулж ивээн тэтгэгч байгууллагуудын гарын бэлгээр мялаах аж. Эх орны их бүтээн байгуулалтын эздэд зориулсан бөхийн барилдааны ерөнхий ивээн тэтгэгчээр “Жигүүр гранд” групп, ерөнхий зохион байгуулагчаар Монголын Барилгачдын Холбоо, БЗМТөв ажиллана. Өнгөрсөн жилийн барилдаанд улсын начин Б.Гончигдама түрүүлж улсын арслан Х.Мөнхбаатар үзүүрлэсэн билээ.  

У.Баяраа