Манай эрэгтэй өсвөрийн бөхчүүд медальгүй хоцров

            Азербайжан Улсын нийслэл Баку хотын Х.Алиевийн нэрэмжит Спорт, урлагийн цогцолборт үргэлжилж байгаа энэ оны өсвөр үеийн ДАШТ-ний эрэгтэй чөлөөт бөхийн тэмцээн өндөрлөлөө. Манай улсаас найман жинд өрсөлдсөн бөгөөд харамсалтай нь нэг ч медальгүй хоцорлоо. Бидний хамгийн их итгэл хүлээлгээд байсан 76 кг-ийн жинд барилдсан Г.Төрмөнх медалийн төлөө хоёр барилдаан хийсэн ч ялалт байгуулж чадсангүй.

Ингээд багуудын дүнг танилцуулъя.

42 кг-д 13 бөх өрсөлдсөн   1. Косгум Маммадов /Азербайжан/

                                         2. Аслан Шахиев /ОХУ/

                                         3. Богдан Лазарев /Украин/

                                         3. Айтуган Жанжигитов /Казахстан/

Манай улсын бөх Ц.Цогбадрах Дархан-Уул аймаг, “Хасу-Мегаватт” клубын тамирчин. Дээрх жинд өрсөлдөж нэгдүгээр тойрогт гүржийн бөх Шмаги Тодүаг 0:2, 7:4, 1:0 онооны харьцаагаар ялсан ч хоёрдугаар тойрогт казахстаны бөх Айтуган Жанжигитовтай таарч 0:7, 0:1 онооны харьцаагаар дийлдэв.   

46 кг-д 13 бөх өрсөлдсөн    1. Завур Угуев /ОХУ/

                                          2. Василь Михайлов /Украин/

                                          3. Сабер Ханьяни Шахрестани /Иран/

                                          3. Сатоши Фужикава /Япон/

            Манай улсын бөх Б.Гүндсамбуу ”Алдар” спорт хороо тамирчин. Нэгдүгээр тойрогт хийлж хоёрдугаар тойрогт гүржийн бөх Иракли Мхейзейтэй таарч 4:2, 1:2, 2:2 онооны харьцаагаар ялагджээ.

50 кг-д 18 бөх өрсөлдсөн    1. Али Парвиз Мохаммед Задехнагарчи /Иран/

                                          2. Руслам Сузкаев /Азербайжан/

                                          3. Андрей Яценко /Украин/

                                          3. Кейсуке Отгору/Япон/

Манай улсын бөх Х.Хишигбат ”Тэмүүжин” клубыг тамирчин. Нэгдүгээр тойрогт хийлж хоёрдугаар тойрогт Болгарын бөх Димитар Любомиров Ивановыг 9:0, 6:0 онооны харьцаагаар хожиж гуравдугаар тойрогт гүржийн бөх Георги Лезхаватай таарч 0:1, 1:9-ээр өвдөг шороодов.

54 кг-д 25 бөх өрсөлдсөн   1. Гажимурад Рашидов /Орос/

                                         2. Манн Абхисек /Энэтхэг/

                                         3. Баюржан Торебек /Казахстан/

                                         3. Махаммед Хусейн Хасанов /Азербайжан/

             Манай улсын бөх З.Занабазар ”Тэмүүжин” клубын тамирчин. Нэгдүгээр тойрогт туркийн бөх Сезгин Писмисоглийг 1:8, 4:0, 1:0 онооны харьцаагаар ялж хоёрдугаар тойрогт Оросын бөх Гажимурад Рашидовт 0:5, 3:3 онооны харьцаагаар ялагдаж дагах барилдаанд Азербайжаны бөх Махаммед Хусейн Хасановт 2:5, 1:2 онооны харьцаагаар дийлдэв.

58 кг-д 19 бөх өрсөлдсөн    1. Гашид Хасанзаде /Азербайжан/

                                         2. Таймураз Гуриев /ОХУ/

                                         3. Самир Сатар Явари /Иран/

                                         3. Селин Козан /Турк/

 Манай улсын бөх Б.Эрдэнэ-Очир Орхон аймаг, “Ирээдүйн одод” цогцолборын тамирчин. Нэгдүгээр тойрогт хийлж хоёрдугаар тойрогт Ираны бөх Самир Сатар Яваритай барилдаж 2:4, 0:2 онооны харьцаагаар хожигдов.

63 кг-д 19 бөх өрсөлдсөн     1. Зайн Петерфорд /АНУ/

                                          2. Супиан Нурмагомедов /ОХУ/

                                          3. Хоссейн Рузбехмалех /Иран/

                                          3. Мехмет Асан /Турк/

Манай улсын бөх Н.Амарсайхан Баянгол дүүрэг, 73 дугаар сургуулийн тамирчин. Нэгдүгээр тойрогт хийлж хоёрдугаар тойрогт Киргизийн бөх Сапар Кубандуковтой таарч 0:3, 1:3 онооны харьцаагаар хожигдов.                        

 69 кг-д 17 бөх өрсөлдсөн     1. Омари Гуржизе /Гүрж/

                                           2. Сергей Драмарецки й/Украин/

                                           3. Реза Ростамали Мозаффажовари /Иран/

                                           3. Самир Садуллаев /Азербайжан/

               Манай улсын бөх Б.Цогтбаатар Налайх дүүргийн тамирчин. Нэгдүгээр тойрогт Украйний бөх Сергей Драмарецкитэй таарч 0:4, 0:8 онооны харьцаагаар өвдөг шороодож дагах барилдаанд Киргизийн бөх Нарбек Изабековт 6:6, 0:5, 1:6 онооны харьцаагаар ялагдав.

76 кг-д 20 бөх өрсөлдсөн      1. Абдулрашид Садулаев /ОХУ/

                                           2. Руслан Рушко /Украин/

                                           3. Шота Ширай /Япон/

                                           3. Махамадхай Мухутов /Азербайджан/

Манай улсын бөх Г.Төрмөнх Дорнод аймгийн уугуул, Орхон аймаг, “Ирээдүйн одод” спортын сургуулийн тамирчин. Нэгдүгээр тойрогт хийлж хоёрдугаар тойрогт Болгарын бөх Раман Фескавецийг 1:0, 3:0 онооны харьцаагаар өвдөг шороодуулж мөнгөн медалийн төлөө барилдаанд оросын бөх Абдулрашид Садулаевт 0:5, 0:6 онооны харьцаагаар ялагдаж хүрэл медалийн төлөө Японы бөх Шота Ширайд 0:2, 0:2 онооны харьцаагаар дийлдэв.  

85 кг-д 17 бөх өрсөлдсөн      1. Инал Тасоев /ОХУ/

                                           2. Чермен Багаев /Азербайжан/

                                           3. Хоссейн Шахвазигазвар /Иран/

                                           3. Богдан Христай /Украйн/

100 кг-д 18 бөх өосөлдсөн    1. Георгий Гогаев /ОХУ/

                                           2. Саид Гамидов /Азербайжан/

                                           3. Алиасгар Акбаризаринколаи /Иран/

                                           3. Юнус Деде /Турк/

Манай улсын бөх А.Дэлгэрхангай Сонгино-Хайрхан дүүргийн тамирчин. Нэгдүгээр тойрогт хийлж хоёрдугаар тойрогт Азербайжаны бөх Саид Гамидовтой таарч 0:6, 0:6 онооны харьцаагаар хожигдов. .

Ингээд багийн дүнгээр

            Нэгдүгээр байр                   ОХУ, 77 оноо

              Хоёрдугаар байр                  Азербайжан, 74 оноо

              Гуравдугаар байр                Иран, 60 оноо

             Арван нэгдүгээр байр         Монгол, 21 оноо

           Өнөөдөр эмэгтэй чөлөөт бөхийн тэмцээн эхэлж 38, 43, 49, 56, 65 кг-ийн жингийн барилдаан болно.  43 кг-ийн жинд Б.Дөлгөөн нэгдүгээр тойрогт хийлж хоёрдугаар тойрогт оросын бөх Ксения Незговороватай, 49 кг-ийн жинд Э.Отгонцэцэг нэгдүгээр тойрогт канадын бөх Анне Клайр МкКеетэй, 56 кг-ийн жинд Э.Гантуяа  нэгдүгээр тойрогт туркийн бөх Балхан Дериятэй, 65 кг-ийн жинд Б.Нямгэрэл нэгдүгээр тойрогт японы бөх Масако Фигучитэй таарчээ.

У.Баяраа