Г.Мөнхцэцэг өсвөрийн ДАШТ-ээс хүрэл медаль хүртлээ

Азербайжаны нийслэл Баку хотын Х.Алиевийн нэрэмжит Спорт, урлагийн цогцолборт чөлөөт бөхийн өсвөр үеийн ДАШТ болж өчигдөр охидын тэмцээнээр өндөрлөлөө. Энэ өдөр манай улсаас таван бөх өрсөлдсөнөөс 40 кг-ийн жинд Г.Мөнхцэцэг барилдаж хүрэл медаль хүртсэн юм.

Өнгөрсөн жил манай охидууд хоёр мөнгө, хүрэл медаль хүртэж байсан бол энэ жил амжилтаасаа ухарч 65 кг-д өрсөлдсөн Б.Нямгэрэл, Г.Мөнхцэцэг нар л хүрэл медалиар энгэрээ гоёлоо. Б.Нямгэрэлийн хувьд хошой хүрэл медальтан болж байгаа юм. Дасгалжуулагчид нь дээрх бөхчүүдээс гадна Г.Отгонжаргал, С.Цэрэнчимэд, хөвгүүдээс З.Занабазар, Ц.Цогбадрах, Х.Хишигбат нарыг медаль хүртэнэ хэмээн найдаж байсан юм. Тэмцээний дүнг танилцуулъя.  

Охид

38 кг-д долоон бөх өрсөлдсөн 1. Марина Киуко Дол /АНУ/ 

                                               2.  Светлана Анкичева /Казахстан/

                                               3. Према Према /Энэтхэг/

                                               3. Мария Филипова Маринска /Болгар/

40 кг-д найман бөх өрсөлдсөн 1. Олёна Кремзер /Украин/

                                               2. Надежда Соколова /ОХУ/

                                               3. Ганболдын Мөнхцэцэг /Монгол/

                                               3. Марина Зуева /Казахстан/

Г.Мөнхцэцэгийн хувьд нэгдүгээр тойрогт Оросын бөх Надежда Соколоватай таарч 0:4, 0:3 онооны харьцаагаар ялагдаж дагах барилдаанд АНУ-ын бөх Режина Икуе Долтой хүрэл медалийн төлөө барилдаж 2:0, 1:1 оноогоор өвдөг шороодуулав.  

43 кг-д 12 бөх өрсөлдсөн     1. Ксения Незговорова /ОХУ/

                                            2.  Туркан Насирова /Азербайжан/

                                            3. Мария Григорьевна /Украин/

                                            3. Ирина Борисова /Казахстан/

                                            5. Болормаагийн Дөлгөөн /Монгол/

Б.Дөлгөөн нэгдүгээр тойрогт хийлж, хоёрдугаар тойрогт Оросын бөх Ксения Незговороватай таарч 0:7, 1:5 онооны харьцаагаар хожигдож дагах барилдаанд Казахстаны бөх Ирина Борисоватай хүрэл медалийн төлөө барилдаан хийж 0:7, 0:6 онооны харьцаагаар ялагдсан.

46 кг-д 12 бөх өрсөлдсөн   1. Кика Кагата /Япон/

                                          2. Айсе Ватансевер /Турк/

                                          3. Зайнаб Магомедова /ОХУ/

                                          3. Марьяна Колос /Украин /

7. Ганбаатарын Отгонжаргал /Монгол/

Г.Отгонжаргал нэгдүгээр тойрогт Энэтхэгийн бөх Ринки Ринкиг 6:1, 7:0 онооны харьцаагар ялж хоёрдугаар тойрогт Японы бөх Кика Кагатад 2:8, 3:3, 2:5 онооны харьцаагаар өвдөг шороодож дагах барилдаанд Украиний бөх Марьяна Колостой таарч 0:5, 1:5 онооны харьцаагаар ялагджээ.

49 кг-д 13 бөх өрсөлдсөн 1. Ирие Нанами /Япон/

                                        2. Ева Ульрих Сауер /ХБНГУ/

                                        3. Равита Равита /Энэтхэг/

                                        3. Селенай Докгож /Турк/

                                        5. Эрдэнэсүхийн Отгонцэцэг /Монгол/

Манай улсын бөх Э.Отгонцэцэг нэгдүгээр тойрогт Канадын бөх Анне Клайр МкКеег 1:0, 2:2 онооны харьцаагаар хожиж хоёрдугаар тойрогт Японы бөх Ирие Нанамид 0:1, 0:4 онооны харьцаагаар өвдөг шороодов. Дагах барилдаанд АНУ-ын бөх Каденс Леетэй барилдан 1:0, 2:0 онооны харьцаагаар ялж Туркийн бөх Селенау Докгожтой хүрэл медалийн төлөө өрсөлдөж 0:6, 0:4 онооны харьцаагаар дийлдэв.   

52 кг-д 15 бөх өрсөлдсөн 1. Маю Микаида /Япон/

                                       2. Луиза Хелга Герда Несмеш /ХБНГУ/

                                       3. Мария Коцарёва /ОХУ/

                                       3. Наталья Гюзела Кубаты /Польш/

                                       5. Эрдэнэбаатарын Оюун-Эрдэнэ /Монгол/

Э.Оюун-Эрдэнийн хувьд Хазахстаны бөх Мадина Бакбергеноваг 3:1, 4:2 онооны харьцаагаар дийлжээ. Хоёрдугаар тойрогт Японы бөх Маю Микаидад 0:4, 0:6 онооны харьцаагаар ялагдаж дагах барилдаанд Австрийн бөх Катрина Матисийг 2:0, 1:0 онооны харьцаагаар хожсон. Хүрэл медалийн төлөө барилдаанд Оросын бөх Мария Коцарёвад 0:1, 0:7 онооны харьцаагаар ялагдав.  

56 кг-д 13 бөх өрсөлдсөн. 1. Аи Курадате /Япон/

                                         2. Каула Коллен Миракл /АНУ/

                                         3. Катержина Мадровска /Польш/

                                         3. Екатерина Мягкова /ОХУ/

                                         8. Энхбатын Гантуяа /Монгол/

Э.Гантуяа нэгдүгээр тойрогт Туркийн бөх Балхан Дерияг 8:4, 5:0 онооны харьцаагаар хожиж хоёрдугаар тойрогт Японы бөх Аи Курадатед 0:1, 0:3 онооны харьцаагаар хожигдон дагах барилдаанд Беларусийн бөх Светлана Ламашевичтэй таарч 0:4, 1:3 онооны харьцаагаар ялагджээ.

60 кг-д 14 бөх өрсөлдсөн 1. Ёшима Каяма /Япон/

                                        2. Тереза Лина Персонн /Швед/

                                        3. Бракстон Рей Стоун /Канад/

                                        3. Виктория Лукинская /Украин/

                                        9. Сүхээгийн Цэрэнчимэд /Монгол/

С.Цэрэнчимэд нэгдүгээр тойрогт канадын бөх Бракстон Рей Стоунд 3:4, 1:1 онооны харьцаагаар хожигдов.

65 кг-д 13 бөх өрсөлдсөн 1. Масако Фигучи /Япон/

                                        2. Алёна Харченко /Украин/

                                        3. Бүрнээбаатарын Нямгэрэл /Монгол/

                                        3. Ракретта Урбанзаде /Азербайжан /

 Б.Нямгэрэл нэгдүгээр тойрогт Японы бөх Масако Фигучитэй таарч 0:1, 1:5 онооны харьцаагаар хожигджээ. Дагах барилдаанд Германы бөх Лиза Манзкег 7:2, 8:0 онооны харьцаагаар, Оросын бөх Татьяна Каширинаг 1:2, 3:0, 4:0 онооны харьцаагаар ялж хүрэл медаль хүртлээ.

70 кг-д 14 бөх өрсөлдсөн 1. Сабира Алиева /Азербайжан/

                                        2. Мао Мария Лена Нюгрен /Швед/

                                        3. Ева Мария Немет /Унгар/

                                        3. Анастасия Мария Лобзенгер /АНУ/

                                        9. Пүрвээгийн Номин-Эрдэнэ /Монгол/

Манай улсын бөх П.Номин-Эрдэнэ нэгдүгээр тойрогт Украиний бөх Анастасия Шустовад 1:1, 0:1, 2:5 онооны харьцаагаар хожигдов.                                

Багийн дүн

Нэгдүгээр байр         Япон, 66 оноо

Хоёрдугаар байр      ОХУ, 63 оноо

Гуравдугаар байр     Украин, 67 оноо

Зургаадугаар байр   Монгол, 45 оноо

У.Баяраа