Б.Жавзмаа өнөөдөр медалийн төлөө өрсөлдөнө

“Лондон-2012” паралимпийн зуны XIV наадамд манай улсын тамирчдаас байт харвааны төрөлд ОУХМ Б.Жавзмаа хагас шигшээ  тоглолтод шалгарах эрхийн төлөө  БНХАУ-ын тамирчин Гао Фаншиатай өчигдөр халз харваж ялалт байгуулсан. Энэхүү харваанд тэрбээр 6:0 оноогоор илт илүүрхсэн юм. Тэгвэл өнөөдөр эх орныхоо цагаар 17:00-д хүрэл медалийн төлөө өрсөлдөнө. Б.Жавзмаа тэмцээний эхний өдрийн урьдчилсан харваанд 524 (258+266) оноогоор VIII байрт шалгарч, улмаар уржигдар болсон шөвгийн наймд шалгарах эрхийн төлөө Тайландын тамирчинтай учраа таарч 6:4 (26:25, 26:26, 21:22, 25:25, 26:20) оноогоор ялалт байгуулж шигшээ наймд Хятадын тамирчинтай оноолт таарч ялсан. Хятадын тамирчин Гао Фаншиатын хувьд урьдчилсан харваанд 581 онож нэгдүгээр  байрт шалгарсан.

У.Баяраа