Паралимпийн тамирчидтай автобусыг бууджээ

Оросын волейболын шигшээ багийнхны сууж явсан автобусыг Лондонд буудсан байна. Энэ талаар багийн ахлах дасгалжуулагч Виктор Дьяков мэдээлжээ. Оросын тамирчид “А” хэсэгт Мароккогийн шигшээтэй тоглохоор явж байсан аж.

“Пневматик буугаар буудсан байж магадгүй, автобусны цонхны шил хагаран, сум урд талд сууж явсан орчуулагч бид хоёрын дундуур өнгөрсөн. Хэн нэгэн гүүрэн дээрээс буудсан бололтой. Тэмцээн зохиогдох спорт цогцолборт хүрэлцэн ирсний дараа жолооч маань цагдаа дуудсан” хэмээн Дьяков өгүүлжээ.

Оросын волейболчид Мароккогийн багийг 3:0 харьцаатай хожин хэсэгтээ хоёрдугаар байр эзлэн 1\4 финалд шалгарч үлдсэн байна.

Дашрамд дурдахад, медалийн үзүүлэлтээр Оросууд нийт 50 медаль, үүнээс 17 нь алт- гуравдугаар байранд орж байгаа ба Хятад-нэг, Их британи-хоёрдугаар байранд явж байгаа аж.

Д.Мигаа