Намрын нээлтийн барилдаан өнөөдөр эхэлнэ

Улсын баяр наадам өнгөрснөөс хойш заал танхимын нэг ч барилдаан бололгүй өдийг хүрсэн. Харин өнөөдөр энэ жилийн нээлтийн барилдааныг МҮБХ-оос зохион явуулахаар болжээ. 2012-2013 оны хооронд МҮБХ-ноос  улс аймгийн цолтой бөхчүүдийн 22 барилдаан, аймаг цэргийн цолтой бөхчүүдийн 10, сумын цолтой болон өсвөр, нийтийн монгол шандастнуудын 15 барилдаан зохион байгуулахаар төлөвлөжээ.

Энэ намрын нээлтийн барилдаан өнөөдөр 14 цагаас Монгол бөхийн өргөөнд болно. Барилдаанд улс аймгийн алдар цолтой хүчит 224 бөх зодоглох юм байна. Дашрамд дуулгахад цаашид улс аймгийн цолтой бөхчүүдийн барилдаанд 224 хүчтэн зодоглож байх юм байна.

А.ТЭМҮР