Лондонгийн Паралимпийн хаалтын ажиллагаа болж байна

Стратфордын Олимпийн цэнгэлдэх хүрээлэнд өнгө өнгийн гал буудуулан Лондонгийн XIY Паралимп болон бүх дэлхийн спортын баяр XXX Олимпийн тоглолтын хаалтын ажиллагаа ёслол төгөлдөр эхэллээ.

Паралимпчуудын хүрээлэн байрлаж буй дэлгэмэл тайзан дээр “шуурга” дэгдэн Паралимпийн тоглолтын бэлэг тэмдэг болох Агито тэнгэрт хөөрлөө.

Нэгдсэн хаант улсын хамгаалалтын яамны 13 офицер Британийн далбааг өргөн мандуулав. Түүний дараа тайзан дээр олон арван автомашинууд, түүний дотор загас, цаг, царцаа, уурын тэрэг мөн өвлийг дүрсэлсэн таван том ачааны тэрэг гарч ирлээ.

Эдгээр ёслолын үйл ажиллагаануудыг сүрлэг галан чимэглэл, мөн энэ ажиллагаанд тусгайлан бэлтгэгдсэн Британийн нэртэй рок хамтлаг Coldplay-н дуунууд дагалдан, мөн хилийн чанадын одод – Рианна,  рэппер Джей Зи нар ая дуугаа өргөнө.

Паралимпиадын ерөнхий дүнгээр Хятадын тамирчид манлайлан, Оросууд удаалсан байна.

Д.Мигаа