Гавьяат тамирчин О.Бурмаа хүрэл медаль хүртлээ

Азербайжан улсын нийслэл Баку хотноо энэ сарын 21-23-ны өдрүүдэд Г.Алиевийн нэрэмжит чөлөөт бөхийн олон улсын “Голден Гран-При” тэмцээн гурван төрлөөр болж өнгөрлөө. Тус тэмцээнд өнгөрсөн жилийн ДАШТ, энэ жилийн тивүүдийн аварга шалгаруулах тэмцээн, энэ жил болсон “Гран-При” тэмцээнүүдэд медаль хүртсэн бөхчүүдийг нэр заан урьсан байна. Манай улсаас эрэгтэй, эмэгтэй 11 бөх уригдсанаас гавьяат тамирчин О.Бурмаа ганцаараа очсон юм. Шүүгчээр олон улсын шүүгч Б.Төмөрбаатар ажилласан байна. Жин тус бүр түрүүлсэн бөхөд 10 мянга, түүнээс хоёр хоёр мянгыг нь дасгалжуулагчид олгоно. Харин мөнгөн медаль хүртсэн бөхөд таван мянга, хүрэл медаль хүртсэнд хоёр мянган ам.долларын урамшуулал олгосон байна.

Эмэгтэй 72 кг-ийн жинд долоон бөх барилдсанаас О.Бурмаа нэгдүгээр тойрогт Казахстаны бөх Эльмира Сыздыковатай сугалаа таарч 1:0, 1:0 онооны харьцаагаар ялсан ч хоёрдугаар тойрогт Шведийн бөх Анна Женни Франссонд 0:3, 1:0, 0:1 онооны харьцаагаар хожигдож дагах барилдаанд Азербайжаны бөх Наталья Паламарчукийг 1:0, 4:0 онооны харьцаагаар дийлж хүрэл медаль авлаа. О.Бурмаа 2008 онд тус тэмцээнээс мөнгөн медаль авч байсан билээ.

Эрэгтэй

55 кг-д            1. Нариман Исрапилов /ОХУ/

2. Намик Севдимов /Азербайжан/

3. Артас Санаа /ОХУ/

3. Азар Пашаев /ОХУ/

66 кг-д            1. Даурен Жумагазиев /Казахстан/

2. Эмин Азизов /Азербайжан/

3. Ильяс Бекбулатов /ОХУ/

3. Хажимурад Омаров /Азербайжан/

74 кг-д            1. Рашид Курбанов /Узбек/

2. Гажи Гажиев /ОХУ/

3. Александр Гостиев /Азербайжан)

3. Ацамаз Санакоев /ОХУ/

84 кг-д            1. Магомед Ибрагимов /ОХУ/

2. Семен Семенов /Казахстан/

3. Альберт Саритов /ОХУ/

3. Георгий Рубаев /ОХУ/

96 кг-д            1. Элизбар Одиказе /Гүрж/

2. Арсланбек Алиев /ОХУ/

3. Шамиль Ахмедов /ОХУ/

3. Лэс Сигман /АНУ/

120 кг-д          1. Георгий Саканделизе /Гүрж/

2. Эдуард Базров /ОХУ/

3. Алан Хугаев /ОХУ/

3. Али Исаев /Азербайжан/

Эмэгтэй

48 кг-д            1. Анна Ивамуре /Япон/

2. Наталия Пулковская /Украина/

3. Елена Вострикова /ОХУ/

3. Шафаг Муразаде /Азербайжан/

51 кг-д            1. Ю.Мияхара /Япон/

2. Анжела Дороган /Азербайжан/

3. Зульфия Яхярова /Казахстан/

3. Роксана Засина /Польш/

55 кг-д            1. Канако Мурата /Япон/

2. Катаржина Кравчик /Польш/

3. Татьяна Дебьен /Франц/

3. Ирина Гусяк /Украина/

59 кг-д            1. Юи Санако /Япон/

2. Жанна Василенко /Украин/

3. Ирина Нетреба /Азербайжан/

3. Лиза Холгерсон /Швед/

63 кг-д           1. Анастасия Григорьева /Латви/

2. Юлия Остапчук /Украин/

3. Юрика Ито /Япон/

3. Инна Тражукова /ОХУ/

67 кг-д            1. Надя Семенцова /Азербайжан/

2. Вероника Карлсон /АНУ/

3. Шиаки Иижима /Япон/

3. Сара Дошо /Япон/

72 кг-д                        1. Анна Женни Франсон /Швед/

2. Катерина Бурмистрова /Украин/

3. Очирбатын Бурмаа /Монгол/

3. Агнежка Въезчек  /Польш/

У.Баяраа