“Спортын бэлтгэлийн төв”-ийн албадын дарга нар тодорчээ

Соёл, спорт, аялал жуулчлалын яамны Биеийн тамир, спортын бодлогын хэрэгжилтийг зохицуулах газраас тус газрын харьяа  “Спортын бэлтгэлийн төв”-ийн /Хуучнаар БТСГ/ харьяалагдах албадын дарга нарыг тодруулжээ.

Тухайлбал, “Спортын бэлтгэлийн төв”-ийн дэд дарга болон Захиргаа, санхүүгийн албаны даргаар Ц.Одонбаяр, Биеийн тамир, спортын албаны даргаар Ж.Тунгалаг, Үндэсний шигшээ багийн албаны даргаар Ч.Эрдэнэтуяа, Спортын анагаах ухааны албыг Гавьяат эмч Ч.Насанбат үргэлжлүүлэн удирдах бол “Спортын бэлтгэлийн төв”-ийн Эрдэм, шинжилгээ, судалгааны албаны даргын томилгоог хараахан хийгээгүй байгаа аж.

Ц.Одонбаяр нь өмнө нь Үндэсний шигшээ багийн албыг удирдаж байсан бол Ж.Тунгалаг БТСГ-ын нийтийн биеийн тамирын хэлтсийн даргаар ажиллаж байсан байна. Харин Ч.Эрдэнэтуяа нь  БТСУХ-ны Биеийн тамирын хөгжлийн хэлтсийн дарга, Монголын оюутны спортын холбооны Гүйцэтгэх захирал, Үндэсний шигшээ багийн ахлах мэргэжилтэн зэрэг албанд ажиллаж байжээ.