”Яармагийн цом” өнөөдөр эхэллээ

Жил бүр уламжлал болгон зохион байгуулдаг “Яармагийн цом” өнөөдөр “Цэцээ гүн” цогцолборын спорт зааланд эхэллээ. Энэ жил тус тэмцээнийг ивээн тэтгэгчээр “Нутгийн шийдэл” ТББ ажиллаж байгаа бол зохион байгуулагчаар “Иргэний нөхөрлөл” ТББ, “Олуулаа туслая” нийгмийн халамжийн байгууллагатай хамтран оролцож байна. Тус тэмцээнд 15 байгууллагын 600 гаруй тамирчин спортын таван төрлөөр өрсөлдөж маргааш аваргаа тодруулна. Баг тамирчид Хан–Уул дүүргийн хүүхдийн асрамжийн төвд хандив өргөж буян үйлдэх бөгөөд “Эх дэлхийнхээ эрүүл орчны төлөө” уриан дор нэгдэж байгаа юм.

У.Баяраа