Өсвөрийн кикбоксчид өрсөлдөнө

“Цахилгаан нударга” тэквондогийн клуб “Цахилгаан тээвэр” компаний 25 жилийн ойн нэрэмжит кикбоксын өсвөр үеийн улсын аварга шалгаруулах тэмцээн зохион байгуулах гэж байна. Энэхүү нээлттэй тэмцээн нь энэ сарын 27-нд МҮЭСТО-ны “Тэмүүжин” клубийн зааланд болно. Зорилго нь Монгол Улсад бие хамгаалах урлагийг хөгжүүлэх, биеийн тамир болон тулааны спортыг хүүхэд залуучуудад сурталчлах, ирээдүйн аваргуудыг тодруулахад оршиж байгаа юм. Хөвгүүд 10, 13, 16 насны, охид 55 кг хүртэлх жинд хүч үзнэ.

У.Баяр