Улсын арслан Г.Эрхэмбаяр хоёр дахь удаагаа түрүүллээ

МҮБХ-ноос зургаа дахь жилдээ зохион байгуулж буй “Дөрвөн уулын хишиг” барилдааны нэг "Баянзүрх хайрханы хишиг" улс аймгийн алдар цолтой хүчит 256 бөхийн барилдаан өчигдөр Монгол “Бөхийн өргөө”-нд болсон билээ. Энэхүү барилдаанд улсын арслан Г.Эрхэмбаяр, улсын гарьд Ж.Бат-Эрдэнэ, улсын заан Ч.Батзориг, улсын харцага Ө.Бат-Орших, Т.Амартүвшин, А.Цацабшир, Ц.Содномдорж, А.Бямбажав, улсын начин М.Жамъянпүрэв, Н.Бүрэнбаатар, Л.Олзгэрэл, Ж.Гансүх, Э.Энхбат, Б.Баянмөнх, Б.Сангисүрэн, Б.Батмөнх, Б.Амарзаяа, Р.Пүрэвдагва, Б.Пүрэвсайхан, Б.Сугаржаргал нарын тэргүүтэй хүчитнүүд зодоглосон юм.

Энэхүү барилдаанд Сэлэнгэ аймгийн Мандал сумын харъяат ШШГЕГ, “Сүлд” спорт хороо, “Таванхан” дэвжээ, “Ноёд” группийн бөх улсын арслан Г.Эрхэмбаяр түрүүлж, Өвөрхангай аймгийн Тарагт сумын харъяат “Их Монголын хүчтэн” дэвжээ, “Макс” группийн бөх улсын начин Б.Сангисүрэн үзүүрллэлээ. Шөвгийн дөрөвт Хөвсгөл аймгийн Тосонцэнгэл сумын харъяат Хил хамгаалах ерөнхий газрын “Хилчин” спорт хороо, “Хөвсгөлийн хүчтэн” дэвжээ, “Монос” группийн бөх улсын харцага Ц.Содномдорж, Завхан аймгийн Алдархаан сумын харъяат “Засагт ханы Завхан” дэвжээ, “Ханан” группийн бөх аймгийн арслан Л.Лха-Очир нар шалгарсан юм.

2007 оны барилдаанд улсын арслан Д.Азжаргал түрүүлж, улсын харцага Т.Мөнгөнцоож үзүүрлэсэн бол 2008 онд  даян аварга Г.Өсөхбаяр түрүүлж, улсын гарьд И.Доржсамбуу үзүүрлэж байсан түүхтэй. Харин 2009 онд улсын заан Б.Соронзонболд түрүүлж, улсын начин Д.Лхагвадорж үзүүрлэсэн. 2010 онд улсын начин Ду.Батбаяр түрүүлж, улсын начин Н.Батзаяа үзүүрлэсэн билээ. Өнгөрсөн жил улсын арслан Г.Эрхэмбаяр түрүүлж, улсын харцага Ө.Бат-Орших үзүүрлэсэн бол энэ жил арслан дахин түрүүлж улсын начин Б.Сангисүрэн үзүүрлэлээ.

Барилдааны дүйзыг танилцуулж байна.

Тавын даваа

1. Г.Эрхэмбаяр у.а - Н.Бүрэнбаатар у.н

2. Ж.Бат-Эрдэнэ у.г - Б.Бат-Орших а.а

3. Ө.Бат-Орших у.х - Н.Батзаяа у.н

4. Ц.Содномдорж у.х -Н.Адъяабат а.а

5. Л.Гантулга у.н - Д.Батдорж а.а

6. Б.Батмөнх у.н - Н.Ганзориг а.а

7. Б.Сангисүрэн у.н - Б.Сугаржаргал у.н

8. Б.Амарзаяа у.н - Л.Лха-Очир а.а

Зургаагийн даваа

1. Г.Эрхэмбаяр у.а - Б.Бат-Орших а.а

2. Ө.Бат-Орших у.х - Л.Лха-Очир а.а

3. Ц.Содномдорж у.х - Л.Гантулга у.н

4. Б.Батмөнх у.н - Б.Сангисүрэн у.н тунав

Долоогийн даваа

1. Г.Эрхэмбаяр у.а - Л.Лха-Очир а.а

2. Ц.Содномдорж у.х - Б.Сангисүрэн у.н

Наймын даваа

1. Г.Эрхэмбаяр у.а - Б.Сангисүрэн у.н

    /түрүүлсэн /           /   үзүүрлэсэн /

У.Баяраа