Супермэн анхны тоглолтдоо дабль-дабль хийв

NBA-гийн 2012-2013 оны улирлын өмнөх тоглолт үргэлжилж байна. Энэ зуны солилцоо, наймааны цонхоор супер од Дуайт Ховард, Стив Нэш нарыг элсүүлсэн Үндэсний сагсан бөмбөгийн холбооны 16 удаагийн түрүүтэй “Лос-Анжелес Лейкерс” баг улирлын өмнөх тоглолтыг тааруухан эхлүүлсэн бөгөөд тав дараалан ялагдал хүлээгээд байсан. Тэгвэл “Нуурнууд” өнөөдөр “Стэплес центр”-тээ “Сакраменто Кингз”-ийг хүлээн авч,  92:99-өөр хожигдлоо. Энэхүү тоглолтод NBA-гийн “Бүх оддын тоглолт”-д долоон удаа оролцоод буй шилдэг төвийн тоглогч “Супермэн” хочит Дуайт Ховард “Холливуд”-ын хотын багийн төлөө анхны тоглолтоо хийв. Тэрбээр тус тоглолтод 32 минутыг талбайд өнгөрөөхдөө, 12 шидэлтийнхээ наймыг амжилттай болгож, 19 оноо түүж, 12 удаа самбараас бөмбөг авсан юм.

Б.Батаа