Шилдэг шатарчдын тэмцээн болно

Монгол Улсад уул уурхайн салбар үүсч хөгжсөний 90 жилийн ой, Монголын уурхайчдын өдөрт зориулсан шилдэг шатарчдын түргэн тоглолтын аварга шалгаруулах тэмцээн энэ сарын 26-28-нд Монголын залуучуудын холбооны хурлын танхимд болох гэж байна. Монгол Улсын шилдгүүдийн ширүүн тэмцлийн гайхамшигт өргүүдийг оюунаа дээдлэгч Монгол түмэндээ өргөн барих, сурталчлан таниулах, өсвөрийн тамирчид туршлага суух, зэрэглэлээ ахиулах, дараа дараагийн тэмцээнүүдэд бэлтгэл, шатрын спортыг сурталчлах зорилготой тус тэмцээнийг Монголын шатрын холбоо, “Энержи Ресурс” компани, Ашигт малтмалын газар хамтран зохион байгуулахаар болжээ. Шагналын сан өндөртэй энэхүү тэмцээнд Монголын шатрын холбооны аравдугаар сарын 1-нээс хойш гаргасан 2100-аас дээш чансаатай эрэгтэй, 1900-аас дээш рейтингтэй эмэгтэй шатарчид болон өсвөрийн шатарчдын ДАШТ-д оролцох тамирчид нийт есөн өрөгт оюун ухаанаа уралдуулж дүнгээ гаргах аж.

Б.Батаа