Э.Бадар-Ууган “Залуучуудын спортын хороо”-г тэргүүлж ажиллана

 Монголын Залуучуудын Холбоо нь үйл ажиллагаагаа идэвхжүүлэн залуучуудыг өөрсдийнх нь оролцоотой хөгжүүлэх тал дээр ихэд анхаарч ажиллаж буйгаа дуулгах болсон. Энэ ажлын хүрээнд Монгол улсын хэмжээнд “Залуучуудын мэргэжлийн хороод”-ыг байгуулж эхэлсэн байна. Тэдгээрийн анхдагч болох “Залуучуудын спортын хороо”-ны тамга, гэрчилгээг гардуулах ёслол буюу цаашдын үйл ажиллагааны талаар олон нийтэд мэдээлэх хэвлэлийн бага хурал маргааш 14 цагт Төрийн ордны Г танхимд болох юм байна.  

 Дашрамд дурдахад “Залуучуудын спортын хороо”-ны даргаар Хөдөлмөрийн баатар, МУ-ын Гавьяат тамирчин Э.Бадар-Ууган сонгогдсон бөгөөд гишүүдээр нь МУ-ын Гавьяат тамирчид болох Б.Наранбаатар, П.Сэрдамба, У.Мөнх-Эрдэнэ, Н.Төгсцогт тэргүүтэй олон улсад Монголынхоо нэрийг цуурайтуулсан алдартнууд багтсан бөгөөд мөн спортод элэгтэй сонирхолтой олон салбарын  залуус  ажиллахаар болоод байгаа аж.  Та ч гэсэн хэрвээ спортод хайртай, хичээллэдэг бол Монголын залуучуудын холбоон дээр очоод энэ хорооны гишүүн болох боломжтой гэнэ шүү.    

Г.Энхтуяа