Б.Өнөржаргал Жиу-жицугийн ДАШТ-д ганцаараа оролцож байна

Манай оронд тун хурдацтай хөгжиж байгаа спортын төрлүүдийн нэг жиу-жицу бөх билээ. Бразил улсаас гаралтай уг спортоор Монголын тамирчид сүүлийн үед тун өндөр амжилт үзүүлж байгаа юм. Тэгвэл өнөөдөр АНУ-ын Калифорни мужийн Лонг Бийч хотод эхэлж буй жиу-жицу бөхийн “NO-GI” төрлийн Дэлхийн аварга шалгаруулах тэмцээнд Монгол Улсын тамирчид анх удаа албан ёсоор оролцож байна. Энэ удаагийн тэмцээнд +100 кг-ын жинд “Женко” клубийн тамирчин, жүдо бөхийн ОУХМ Б.Өнөржаргал, дасгалжуулагч О.Болд-Эрдэнийн хамт оролцож байна. Б.Өнөржаргалын хувьд өнгөрсөн сард Японы нийслэл Токиод болсон жиу-жицугийн Азийн АШТ-ээс мөнгөн медаль хүртэж байв.

Б.Бат