“Summit Cup” тэмцээн эхэллээ

Нийслэлийн Засаг дарга бөгөөд Улаанбаатар хотын захирагчийн ивээл дор Монголын хөлбөмбөгийн холбоо футзалын намрын тэмцээнийг хөвгүүд, охидын U-13, U-15, U-17,  насанд хүрэгчдийн ангиллаар зохион байгуулж байгаа юм. Охидын тэмцээн өнгөрсөн сард өндөрлөсөн. Тэгвэл МХБХ, “Саммит Компьютер Технологи” ХХК-тай хамтран зохион байгуулж буй “Summit Cup” хөвгүүд болон насанд хүрэгчдийн тэмцээн футзалын ордонд өчигдөр нээлтээ хийлээ. Хөвгүүдийн ангилалд “Хоромхон”, “Арвис”, “Соёмбын барсууд”, “Баянзүрх”, “Хараацай”, “Шинэ яармаг”, “Эрчим”, “Хаан Хүнс Титэм”,  “Хасын Хүлэгүүд” , “Сэлэнгэ пресс”, “Зөгийнүүд”, “SUMMIT” зэрэг багууд U-13, U-15, U-17 гэсэн насны ангилалд нийт 42 баг хурд, хүч авхаалж самбаагаа сорин өрсөлдөж байна. Харин насанд хүрэгчдийн ангилалд “Хангарьд сити”,  “Континенталь”, “Хаан Хүнс Титэм”, “Сэлэнгэ пресс”, “Арвис”, “FC Улаанбаатар”,” Улаанбаатар Дээд Сургууль”, “Хасын хүлэгүүд”, “Соёмбын барсууд”, “Хоромхон” гэсэн шилдэг 10 баг хоёр хэсэгт хуваагдан өрсөлдөж байна.

Б.Бат