Обама ба түүний нутгийн багийн ялалтын өдөр

АНУ-ын 45 дахь удаагийн ерөнхийлөгчийн сонгууль өнөөдөр болж буй. АНУ-ын өдгөөгийн ерөнхийлөгч Барак Обама ялалт байгуулах нь тодорхой болсон. Тэгвэл өнөөдөр NBA-д талбайд гурван тоглолт болсноос Обамагийн төрсөн нутгийн баг “Чикаго Буллз” “Орландо Мэжик”-ийг “United Center”-тээ хүлээн авч тоглон 99:93-аар буулган авснаар улирлын гурав дахь ялалтаа байгуулав. Энэхүү тоглолтын эхний гурван үед “Шидтэнүүд” 60:58-аар илүүрхсэн. Харин “Бухнууд” шийдвэрлэх дөрөвдүгээр үед шилдэг тоглолтоо үзүүлж, өрсөлдөгчөө зургаан онооны зөрүүтэй буулган авч, нутгийн ерөнхийлөгчдөө том бэлэг барьжээ. Тус тоглолтод талбайн эздээс довтлогч Луол Денг 23 оноо түүж, найман удаа самбараас бөмбөг авсан бол түүнд төвийн тоглогч Жоаким Ноа 20, хүчний довтлогч Карлос Бузер,  Таж Гибсон нар тус бүр 12, холбон тоглогч Нэйт Робинсон 11 оноогоор тусалжээ. Харин “Орландо”-гоос довтлогч Аррон Аффлало 27 оноо авсан бол Никола Вучивеч, Глен Дэвис нар дабль-дабль хийв. Мөн өнөөдөр “Оклахома Сити Тандер” “Торонто”-г 108:88-аар, “Денвер” “Детройт”-ыг 109:97-гоор хожжээ.

Б.Бат