Натхогийн гэрээг сунгав

ОХУ-ын хөлбөмбөгийн “Рубин” клубийн удирдлага израиль хагас хамгаалагч Бибрас Натхогийн гэрээг сунгалаа. Түүний гэрээ ирэх зун шувтрах ёстой ч “Рубин”-ий удирдлага 2015 он хүртэл шинэ гэрээ үзэглэв. Өдгөө 24 настай тэрбээр 2010 онд нутгийнхаа “Хапоэль” клубээс Казань хотын багт ирж байсан бөгөөд энэ хугацаанд 69 тоглолтод оролцохдоо 19 гоол оруулсан. Израилийн авьяаслаг хагас хамгаалагчийн хувьд шигшээ багтаа одоогоор 17 тоглолт хийгээд байгаа аж.

Б.Бат