Галзуу чонотой сум хөл хориогоо цуцалжээ

Хөвсгөл аймгийн гурван суманд галзуу чоно айлын хоттой мал руу дайрч нэг хүн амь насаа алдаж, цөөнгүй мал бариулсан талаар бид өмнө нь мэдээлсэн.

Тус аймгийн Цагаан-Уул, Галт, Шинэ-Идэр суманд энэ явдал болсон бөгөөд аймгийн Онцгой байдлын газрын даргын шийдвэрээр дээрх гурван сумыг гамшгаас хамгаалах бэлэн байдлын зэрэгт шилжүүлж, хөл хорио тогтоогоод байсан юм.

Цагаан-Уул суманд галзуу чононд хүн бариулж амь эрсэдсэн. Гэсэн ч тус сумын хувьд нөхцөл байдал хэвийн болсон гэж үзэж хөл хориог цуцалжээ.