Өвөрхангай аймгийн Баянгол сумын дарга нар архи ууж хүн зоддогоороо алдаршжээ

Өвөрхангай аймгийн Баянгол сумын засаг дарга  Ц.Мягмардорж нь өнгөрсөн аравдугаар сарын 31-нд архи ууж согтуурсан үедээ тээврийн хэрэгсэл жолоодон явж, морио усалж зогссон иргэн Г-г чулуугаар нүүрэн тус газар нь цохиж гэмтээжээ. Хохирогч Г-нь нутаг усандаа нэлээд нэр хүндтэй уяач гэнэ. Түүнийг өс хонзонгийн сэдэлтээр зодож гэмтээсэн байж болзошгүй аж. Зодуулсан уяачийн нүүрний яс цуурч мөн цөмөрсөн юм байна. Баянгол сумын Засаг багийн дарга нарын зодоон, цохион дээрх жишээгээр дуусчихгүй, тавдугаар багийн Засаг дарга О.Чулуунбат нь өнгөрсөн есдүгээр сард багийнхаа малчин залуугийн толгой руу архины шилээр цохиж, хагалж байсан бөгөөд нутгийн иргэд нь “Балмад явдалтай Засаг дарга нараа өөрчлөхгүй бол ажил хийхгүй нь” гэцгээн дуу алдацгааж байна.

Авир нь дэндсэн дээрх багийн Засаг дарга нар орон нутгийн сонгуулиар МАН-аас нэр дэвшин, төрийн албан хаагчид болжээ. Гэхдээ Ц.Мягмардорж нь Баянгол сумын Засаг дарга А.Мөнхбатын хүргэн аж. Ураг төрлийн холбоог гэрчлэх бас нэг жишээ нь, Баянгол сумын хоёрдугаар багийн Засаг даргаар сумын Засаг дарга А.Мөнхбатын төрсөн дүү нь ажилладаг. Өмнөх дөрвөн жилд төрсөн эгч нь энэ багийн Засаг даргаар ажиллаж байжээ.