Баян-Өлгийд хязгаарлалт тогтоожээ

Баян-Өлгий аймгийн Өлгий суманд хязгаарлалт тогтоож, цэцэрлэгүүдийг ажиллуулахгүй байгаа ажээ. Сурагчдын амралт эхэлсэн болохоор хязгаарлалтыг цэцэрлэгийн хүрээнд тогтоосон юм байна. Энэ сарын 24-ний өдөр халдварт өвчний сэжиг бүхий шинж тэмдэгтэй есөн хүн тус аймгийн төвийн эмнэлэгт үзүүлсэн бөгөөд тэдний дөрвөөс нь томуугийн A хүрээний H1N1 вирусийн халдвар илэрсэн байна. Халдварт өвчин судлалын үндэсний төвийн лабораторид шинжлүүлсэн хариугаар А /34 настай, эмэгтэй/, А/31 настай, эмэгтэй/ , Г/5 сартай, эмэгтэй/, И/4 сартай, эмэгтэй/ нар томуугийн A хүрээний H1N1 вирусийн халдвар авсан болох нь тогтоогдсон байна.  Тиймээс тус аймгийн Онцгой комиссын шийдвэрээр тус аймагт сургууль, цэцэрлэгийн болон олон нийтийг хамарсан үйл ажиллагаанд долоо хоногийн хугацаатай хязгаарлалт тогтоожээ.