Оксфорд их сургуульд тэтгэлгээр суралцуулна

Дэлхийн хамгийн нэр хүндтэй их сургуулийн нэг Оксфорд их сургуулийн бакалаврын тэтгэлэгт хөтөлбөр зарлагдлаа.

Оксфорд их сургууль чансаагаараа АНУ-ын Харвардын их сургуулийн дараа дэлхийд хоёрдугаарт ордог шилдэг их сургууль бөгөөд Их Британийн урдаа барьдаг боловсрол олгогч байгууллага юм. Энэхүү тэтгэлэгт хөтөлбөр нь санхүүгийн хүндрэлтэй байгаа боловч суралцах чин хүсэлтэй хүмүүст зориулснаараа онцлогтой аж.

Тэтгэлэгт сургалтын төлбөр, амьдрах зардал, онгоцны буцах зардал багтах бөгөөд сурлагын өндөр амжилт үзүүлсэн байх, шалгалтын өндөр оноотой байх, Айелтс /IELTS/-ийн 6.5 буюу түүнээс дээш оноотой байх зэрэг шаардлага хангасан байх ёстой аж.

Бүртгэл 2016 оны 2 сарын 20-нд дуусах бөгөөд 2016 оны 9 сарын 01-нд хичээл эхлэх юм байна.