Австрали улстай хамтран ажиллаж байна

Өмнөговь аймгийн Политехникийн коллеж нь өнгөрсөн жилээс эхлэн Австрали улстай хамтын ажиллагаа хэрэгжүүлж, туршлага солилцож байгаа юм. Энэ ажлыг хэрэгжүүлэхэд орон нутгийн удирдлагуудын шийдвэр ихээхэн дэмжлэг болж байгаа аж.

Австрали улсын хувьд уул уурхайн үйлдвэрлэлээ хөгжүүлж дэлхийн хэмжээнд жишиг болж чадсан орон. Тиймээс уул уурхайн бүс нутаг Өмнөговь аймагтай хамтран ажиллаж, шилдэг боловсон хүчин бэлтгэхэд анхаарч байгаа гэдгээ тус улсын төлөөлөгчид онцоллоо. Өмнөговь аймгийн Политехникийн коллеж, Австрали улс хоорондын хамтын ажиллагааны хүрээнд хоёр талаас харилцан оюутан солилцох, техник технологит суралцах зэрэг олон арга хэмжээг зохион байгуулах юм.