МСНЭ-ийн Ерөнхийлөгч Х.Мандахбаяр Өвөрхангай, Баянхонгор, Завхан, Говь-Алтай, Архангай аймгуудад ажиллаж байна

Орон нутгийн сэтгүүлчдийн ажил, амьдралтай танилцаж, сэтгүүлзүйн салбарын шинэ дэвшилтэд хөгжил, ирэх 10 жилийн зорилт, 2018 оны бүтээлч ажлын төлөвлөгөө болон орон нутагт хийгдэх ажлуудаа танилцууллаа. Мөн орон нутгийн сэтгүүлчдийн өмнө тулгамдаж байгаа асуудлыг сонсож санал солилцон тэдний санаачлагыг хөтөлбөртөө тусгаж, үр дүнтэй уулзалтуудыг зохион байгуулж байна. Түүнчлэн салбартаа олон жил үр бүтээлтэй ажиллаж, орон нутгийн мэдээ мэдээллийг аймагтаа хүргэж буй сэтгүүлч уран бүтээлчдийг МСНЭ-ийн дээд шагнал "Ган үзэгтэн”, "Хэвлэл мэдээллийн тэргүүний ажилтан” цол тэмдгээр шагнаж урамшууллаа.  

Зургийн тайлбар: Завхан аймаг дахь МСНЭ-ийн салбар зөвлөл  

Ерөнхийлөгч Х.Мандахбаяр орон нутгийн салбар зөвлөлүүдийн үйл ажиллагааг чадавхжуулахаас ажлаа эхэлсэн бөгөөд одоогоор нийт 16 аймагт ажиллаад байна. Очсон аймаг бүрийн салбар зөвлөлийн байрны асуудлыг шийдвэрлэн сандал ширээ, компьютер принтерээр хангаж, үйл ажиллагаагаа хэвийн явуулах, сэтгүүлчдэдээ хүрч ажиллах бүхий л боломжоор хангаж ажиллажээ. 

  Зургийн тайлбар: Говь-Алтай аймаг дахь МСНЭ-ийн салбар зөвлөл  

Зургийн тайлбар: Говь-Алтай аймаг дахь МСНЭ-ийн салбар зөвлөл