“Шивээ Энержи” төслийн ТЭЗҮ 13 жилийн дараа бэлэн боллоо

Анх 2005 оноос эхлэн яригдаж эхэлсэн “Шивээ Энержи” эрчим хүчний цогцолбор төслийн ТЭЗҮ-ийг боловсруулж дуусгажээ. Энэ цогцолбор нь нар, салхи, нүүрсний эх үүсвэр бүхий станцуудаас бүрдэх бөгөөд нийт 5350 мВт-ын суурилагдсан хүчин чадалтай байх юм. Төслийн хөрөнгө оруулалтыг БНХАУ-аас гаргахаар болсон байна.

“Эрдэнэс Монгол” компанийн охин компани болох “Шивээ Энержи” төслийн барилгын ажлыг ирэх онд БНХАУ-ын тал эхлүүлэхээр болжээ. Барилгын ажлыг БНХАУ-ын төрийн өмчит “State Grid” компани хариуцан ажиллаж байгаа юм. Төслийн хүрээнд нийт 1.2 тэрбум тонн нүүрсний нөөцтэй ордыг түшиглэн жилд 20 сая тонн орчим нүүрс олборлох тооцоог гаргаж байгаа ажээ.

Б.Азаа

zindaa.mn