ЧУУЛГАН: Өнөөдрийн хуралдаан 53 гишүүний ирцтэйгээр эхэллээ

М.Хангал | Zindaa.mn
2019 оны 01 сарын 17

УИХ-ын чуулганы өнөөдрийн /2019.01.17/ нэгдсэн хуралдаан 53 гишүүний ирцтэйгээр эхэллээ. Чуулганаар цаг үеийн тулгадсан 20 гаруй асуудал хэлэлцэхээр хүлээгдэж байгаа ба хуралдааны эхэнд хэлэлцэх асуудлын дарааллыг тогтсон юм.

 

Ийнхүү гишүүдийн саналаар Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл /Монгол Улсын Ерөнхийлөгч 2019.01.04-ний өдөр өргөн мэдүүлсэн, анхны хэлэлцүүлэг/-ийг хэлэлцүүлгийг эхэнд хэлэлцэхээр тогтов.

 

Мөн УУХҮ-ийн сайд Д.Сумъяабазар Ашигт малтмалын тухай хуульд нэмэлт, өөрчлөлт оруулах тухай хуулийн төслийг хэлэлцэх асуудлын дарааллаас хасах хүсэлт тавьсан бөгөөд Засгийн газраар хэлэлцэх боломж олгож өнөөдрийн хэлэлцэх асуудлын дарааллаас хаслаа.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top